Намар эрт болохоор навчис арай л унаагүй

Надад хайртай болохоор чинь чамайг арай л мартаагүй

Болзсон энэ л цэцэрлэгтээ эргээд нэг ирэхэд

Бодолд минь үлдсэн дүр чинь бүдгэрсэн болохыг анзаарлаа

Алс холд одоод аяншиж нэг ирэхэд минь

Айлын охинтой ханилаад аав болчихсон чамайг

Хүүхэд насны минь нэгэн дурсамж гэхээс өөрөөр

Хүсэл дурлалын харцаар дахин ширтэж чадахгүй нь

Хэн хэндээ бид юу ч хэлэлгүй холдсон ч

Хүлээж байх болов уу гээд эргээд би ирсэн ч

Надад хайртай гэсэн нандин тэр л үгээ

Намрын сэрүүн салхинд алдчихсан юм уу чи минь

Хайрлах сэтгэл минь хэвээрээ ч

Хүлээж чадаагүйд чинь гомдлоо

Хайрын дурсамжаа тээгээд

Эргэж ирэхгүйгээр явлаа...

Хүсэл гэдэг хязгааргүйн нэгэн адил

Хүрэлцэн ирэхдээ чи чив чимээгүй

Хөөрхөн дэгжин биш гэсэн чиний минь дүр

Хөөрхий миний нүдэнд сайхан харагдаж дээ

Сэтгэлийн минь үүдийг чи тогшилгүй орсон шигээ

Сэмхэн босоод явахдаа ч бас баяртай гэсэнгүй

Гачлант энэ амьдралд хагацал үзэхээс хойш

Ганцхан удаа чамд сайн болохыг зөвшөөрөөч... :)

Цонхонд наалдан дүнгэнэх тэр ялаа

Цочироо өгөн гэнэт миний дургүйг хүргэлээ

Нам цохих сонин олж хуйлах гэтэл

Нэг л олдож өгөхгүй зовоож байлаа

Гэнэт миний энэрэнгүй сэтгэл хөдөлж

Гадаа гаргаад тавиад явуулмаар санагдлаа

Зөөлөн алчуураар хөнгөхөн ороогоод гаргах гэтэл

Зөрж нисээд цонхонд очоод наалдаж байх юм

Тэгтэл миний тэвчээр гэнэт алдагдаж

Тэр чигээр нь өнөөх алчуураараа няцлаад алчихлаа

Өчигдөрхөн миний хичээж угаасан цонхон дээр

Өмхий ялааны дотор эрхтэн нялцайж орхилоо

Хорчийж унасан их биеийг нь гаргаж хаяхаар

Хоёр хуруугаараа далавчийг нь чимхээд шидэх гэтэл

Өнөөх муу хариугүй далавч нь тасар татагдан

Өмдөн дээр минь сэжгийн бие нь наалдаж заваарлаа

Торон нүдтэй толгой нь хүртэл салж унасан

Тоймгүй заваан ялааг би нясалж орхилоо

Аль хэдийн алчих байсан энэ муу ялаанд

10 мин 5 сек зарцуулсан байлаа... гэж.

Хэдүйд бичжийснаа сайн санахгүй байна сүүлийн 4, 5  жилд лав бишээ. Халуун зуны өдөр л байсан санагджийна.

Анд нь өчигдөр... :( ярих ч юм биш. Зиак шүлэгээ авчирна ингэж хэлсэн тэ... 1, 2 - г дуулгая завтай болхоороо гарчиглаарай андууд минь... :)

Амралтын өдрөөр ногоон бензээ түрээд усанд явлаа. Гэртээ хийдэг ганц үүрэгт ажил 75 л ус... Тэгээл оочирлосон болоол зайрмаг идэнгээ утсаа оролдоод суужийтал... Нэг золигийн хөөрхөн царай. Цэнхэр бенз түрцэн... 40 л ус... Зэ хө гил хар үстэй, мооль хар нүдтэй, толгойгоороо тоглодоггүй, тоосноосоо бусгадаггүй юм шиг байгаамаа хи хи... за юутай ч цайвар бор царайнд нь давхраатай дугариг хар нүд, түүн дээр тахиралсан өтгөн хөмсөг зэрэг нь гайхалтай зохицосны дээр өндөрдүү хамар, нимгэвтэр ягаан уруулнаас нь нүдээ салгамгүй. Нуруулаг, өргөн цээжтэй агаад цагаан майк, хар өмдийг цэвэрхэн цагаан adidasтай аятайхан хослуулцан байгаа нь сонголт сайтайг нь харуулна. Ус өргөхдөө чангарах гарын булчин салхинд үл ялиг хийсэх урд үснийх нь үзүүр, сормуус гээд л... Би ичтэл нь ширтцэн байх аа... :) ахиж тааралдахгүй л юмсан. Хи хи... хөөрхөн царайнд нь автчуул яана...  

Сүртэй сонсогдхиймаа... Gee гэгч нэг G хорооллын гар л цомгоо ийн нэрийдсийм байх.

Энэ илтгэл нь юун тухай байх байсан бол... :)

Царайны сайхнаар цай сүлдэггүй ч мөнгө сүлж болдог болсон энэ цөвүүн цагт охид минь нэр цэвэр, бие ариун явахыг хичээхгүй бол ч... Мэргэдийн нэг үгийг олж сийрүүлэв.

Хөөрхөн бүсгүй хяруунд нар тусахын адил

Сайхан бүсгүй үүлэн чөлөөний нар мэт

Сайн бүсгүй насан хутаг үүрд оршмой гэж...

Сайн бүсгүй хэмээгч нь:

Оюун төгөлдөр, санаа сайн, тангараг төгөлдөр, уран, хөдөлмөр хичээнгүй, мэргэн болой... :)

1. Цадталаа бүү идээсэй

2. Хоолны цэсээ насандаа тохируулаасай (хөнгөн чанарын)

3. Өөрт таалагдсан, тохирсон ажилаа хийгээсэй

4. Өөрийн гэсэн үзэл бодолтой байгаасай

5. Амьдралын ханиа олоосой

6. Үргэлж хөдөлгөөнтэй байгаасай

7. Сэрүүн газар унтаж байгаасай

8. Өөрийгөө байнга эрхлүүлээсэй

9. Уур хилэнгээ барьж сураасай

10. Тархи толгойгоо байнга ажиллуулаасай гэнэ шүү... :)

За тэгээд юу байцгаана эрхэм андууд минь... Өнөөдөр бороо ороол ... сайхан л байна. Маргаашнаас анд нь зохиосон шүлэгнүүдээ оруулнаа. Амжуул уншаарай... :)